大漁屋台 (已結業)

同朋友做完运动, 系附近揾间餐厅医医肚。多年前住过得宝花园, 知道果边商场人流较少, 价钱比德福果边平少少, 所以行去得宝商场睇下有咩食, 就发现原来开左间日本菜餐厅, 日系既装修加上入面既人流几旺, 就吸引左我地入去试试。一般既刺身、串烧、炸物、锅物等....都有供应。【麻酱蕃茄豆腐沙律】HK$42滑滑既豆腐配上芝麻酱，夹集蕃茄片同埋沙律菜食，酸酸甜甜很开胃【北寄贝刺身】HK$98北寄贝很爽口, 几大只, 可惜有少少腥味, 要用柠檬汁盖一盖【辣味铁火卷】HK$68其实唔太知点解个名叫"辣味", 但入口完全冇辣味, 虽然每件只有两小粒吞拿鱼, 卷中有青瓜丝, 加上沙律酱, 整体清新而不腻【串烧安格斯牛肉】HK$32 表面平均扫上甜甜地既烧汁, 肉质林, 很juicy【免治鸡肉软骨】HK$22外皮很脆口, 鸡肉唔会太干, 仲有些少软骨幼粒增加口感, 点上沙律酱更加惹味【滑蛋吉列黑豚丼】HK$88滑蛋为半熟, 蛋汁、日款烧汁, 仲有大量既洋葱, 整个饭甜甜地~ 黑豚肉几嫩, 还keep到些少肉汁虽然刺身质素一般, 但每款串烧都很有惊喜, 而且价钱比起铜锣湾平得多。店内仲有清酒等酒类饮品选择