影片
更多
2022-03-12
873 浏览
平日返工咁攰，嚟到周末当然要轻松吓。今日就应友人邀约嚟中环阁麟街呢间集居酒屋同餐厅于一身嘅美食酒吧「Musubi Hiro」叹番个 Weekend Brunch。店面装潢非常抢眼，由室外嘅大墙，以至室内嘅 feature wall 都绘满了艺术涂鸦，色彩缤纷夺目，令人心情大悦。听朋友讲，餐厅除了主打多款创意无限且非常贴地嘅御结同居酒屋风格小食外，最近更推出咗 3 道菜周末早午餐 ($268/位)，所以就特意订咗位同我嚟品尝。每份 Brunch Set 都会包 1 个 Starter、1 个 Main 同 Dessert of the Day。前菜我哋拣咗 Japanese Empanada with Chimichurri 日式饺子配阿根廷青酱 同 Sea Urchin, Tuna Tartare Musubi 海胆吞拿鱼他他御结 (+$88)。饺子炸得非常香口，内有满满嘅咖喱五花肉，五花肉肥瘦适中，咖喱辣度温和，配上万用阿根廷青酱，入口微酸微辣，带阵阵香草嘅清香，充满南美及日本风情。至于另一款海胆吞拿鱼他他御结，用料亦十分讲究，御结采用顶级海苔和日本越光米炮制，面层铺满了拌以葱花及酱
店面装潢非常抢眼，由室外嘅大墙，以至室内嘅 feature wall 都绘满了艺术涂鸦，色彩缤纷夺目，令人心情大悦。
听朋友讲，餐厅除了主打多款创意无限且非常贴地嘅御结同居酒屋风格小食外，最近更推出咗 3 道菜周末早午餐 ($268/位)，所以就特意订咗位同我嚟品尝。
每份 Brunch Set 都会包 1 个 Starter、1 个 Main 同 Dessert of the Day。
前菜我哋拣咗 Japanese Empanada with Chimichurri 日式饺子配阿根廷青酱 同 Sea Urchin, Tuna Tartare Musubi 海胆吞拿鱼他他御结 (+$88)。
饺子炸得非常香口，内有满满嘅咖喱五花肉，五花肉肥瘦适中，咖喱辣度温和，配上万用阿根廷青酱，入口微酸微辣，带阵阵香草嘅清香，充满南美及日本风情。
至于另一款海胆吞拿鱼他他御结，用料亦十分讲究，御结采用顶级海苔和日本越光米炮制，面层铺满了拌以葱花及酱油嘅吞拿鱼他他及甘香鲜甜嘅海胆，海胆鲜美浓郁，入口即融。
主菜拣咗 El Gringo日式炸鸡配松饼 同 Hiro Cowboy 150g 牛扒配无限量薯条(+$48)。
日式炸鸡以 Pancake 垫底，面头再放上一只娇艳欲滴嘅煎蛋，卖相很吸引。鸡肉即叫即炸，入口外脆内嫩，肉汁非常丰富。热香饼厚薄适中，入口软绵绵；太阳蛋有㶶边，连底部也煎得金黄香脆，蛋黄全流心，入口蛋味香浓。
牛扒水准亦唔错，生熟程度刚好，粉红嫩心，入口肉质软滑。薯条新鲜即炸，热辣辣，香脆又不油腻，配旁边嘅柚子沙律菜吃，有营又健康！
是日甜品系 Honey Cake 蜂蜜蛋糕，蛋糕嘅质地好绵密，食落带阵阵蜂蜜清甜，口感很不错。
如果想慢慢叹嘅话，建议每位 +$198，将套餐升级至两小时无限畅饮，可尽情享用香槟、指定日本清酒、啤酒、鸡尾酒、红白酒等。
张贴
