北海道爐端燒 (已結業)

今日喺尖沙咀开完会之后，同事就带咗我去食炉端烧，上到去感觉好似去咗日本传统嘅居酒屋，怀旧嘅装修同布置，环境确系唔错。烧河豚干呢味烧河豚平，外面好似包住蜂蜜一样，带甜味，烧到黄金色，就咁食都唔错。日本生蚝，牡丹虾刺身日本蚝加上日本醋汁，层次感较丰富。而牡丹虾size都唔细，食落较爽口，鲜甜，虾头仲有好多膏。好味~特上寿司盛系师父发板嘅关系，所以冇特定，大约会有10件，而今次就有海胆/牡丹虾/三文鱼/带子/阿根廷红虾/醋鲭鱼/剑鱼/章红鱼/大蟹棒/八爪鱼。份量都多又新鲜，几抵食。浜烧活鲍鱼，活圣子皇材料非常新鲜，估唔到炉端烧都可以食到浜烧，因为系活海鲜嘅关系，烧嘅时候只需要落少少盐酱，清酒就已经好鲜味，鲍鱼食落弹牙，圣子皇就啖啖肉。要俾个赞~云呢拿糯米糍雪糕杯呢间餐厅都几多元化，连甜品都做埋。雪糕杯入面有超香浓蜜瓜糯米糍，栗米片，同忌廉。如果想食唔同类型嘅日本料理呢间餐厅都系一个唔错嘅选择。