影片
更多
2012-10-19
41 浏览
终于到我生日喇哈哈, 虽然唔系正日但同事都好豪, 上次知我喜爱上铁板, 今次到我主场!听讲呢度系食咩炉端烧, 同事请唔想太贵(我觉得会贵…)所以食铁板算(hehe)是次生日饭都算系人生TOP TEN 丰富嘅一餐:Sashimi Platter, 哗! 粒北海道带子大到屈人水樽直径咁大, 鲜甜多汁, 柔软似肥猪肉嘅质感, 上品! 另外海胆浓浓地溶喺口中, 非常满足。之后食松露汁煮圣子, 巨型圣子以为肉会比较鞋口, 原来都好弹牙同烟靱, 松露汁煮出嚟并无乜松露味道, 非常似沙茶酱, 哗! 我最喜爱嘅龙虾! , 开边用牛油煎, 唔理喇上次已经够肥啦横店都肥唔争在! 香到隔离台都望过嚟, 上铁板时候重系爬嚟爬去, 包新鲜! 之后师傅重表演拆龙虾脚, 我真佩服, 呢个师傅超搞笑, 佢扮另外一个师傅, 拆肉时候只手指May会飞出嚟, 真系娱乐性丰富, HAHAHA龙虾脚其实味道比虾身更多海水鲜味, 而且更滑, 口感似食糖, 师傅好功夫!佢继续学佢同事抄饭, 睇翻相都想笑---就系咁 “女人抄饭”制成! 我都唔知咩叫女人抄饭, 呢个师傅无句真, 连佢系香港人定日本人我都唔知因为佢两样都识讲, 饭非常
听讲呢度系食咩炉端烧, 同事请唔想太贵(我觉得会贵…)所以食铁板算(hehe)
是次生日饭都算系人生TOP TEN 丰富嘅一餐:
Sashimi Platter, 哗! 粒北海道带子大到屈人水樽直径咁大, 鲜甜多汁, 柔软似肥猪肉嘅质感, 上品! 另外海胆浓浓地溶喺口中, 非常满足。
之后食松露汁煮圣子, 巨型圣子以为肉会比较鞋口, 原来都好弹牙同烟靱, 松露汁煮出嚟并无乜松露味道, 非常似沙茶酱,
哗! 我最喜爱嘅龙虾! , 开边用牛油煎, 唔理喇上次已经够肥啦横店都肥唔争在! 香到隔离台都望过嚟, 上铁板时候重系爬嚟爬去, 包新鲜!
之后师傅重表演拆龙虾脚, 我真佩服, 呢个师傅超搞笑, 佢扮另外一个师傅, 拆肉时候只手指May会飞出嚟, 真系娱乐性丰富, HAHAHA
龙虾脚其实味道比虾身更多海水鲜味, 而且更滑, 口感似食糖, 师傅好功夫!
佢继续学佢同事抄饭, 睇翻相都想笑---就系咁 “女人抄饭”制成! 我都唔知咩叫女人抄饭, 呢个师傅无句真, 连佢系香港人定日本人我都唔知因为佢两样都识讲, 饭非常烟靱, 饭里面有姜醒神开胃, 重有虾仔咸咸哋, 为呢餐生日饭划上完美句号。
呢度个景当然无需要讲, 无敌! 其实喺Ritz Carlton 又或者sky 100望, 其实分别真系唔大, 今晚有丰富海鲜晚宴, 无敌高空景, 搞笑师傅同一班好同事, 我比满分。
张贴
