發哥粥底海鮮火鍋 (已結業)

虽然喺疫情之下，但亦无损我哋揾好嘢食嘅心情。今次就经朋友介绍，来到依间性价比高，抵食又饱肚，又靓料嘅发哥粥底海鲜火锅，品尝一下疫情下嘅美味。因为喺工厂区嘅关系，所以地方甚大，而喺疫情嘅期间，客人唔算太多，所以侍应都招呼得我哋宾至如归。经过一轮介绍，我哋叫咗一个龙虾餐同一个海蟹餐，三百蚊唔使，有齐多款海鲜，牛肉 同埋自选八款火锅配料。再送多泰式焗青口小食同埋炖汤，咁嘅价钱你都咪话唔惊喜。 当然唔少得就系任饮饮品，种类都唔少㗎，仲有自家制嘅竹蔗水，饮多几罐都回到本呀。 价钱虽然平绝观塘，但无论味道质素都属于中上。以呢个花胶炖鸡汤为例， 非常足料，味道清甜，而且新鲜滚热辣，非常滋润。 餐前嘅小食， 每人两只大大只嘅蒜蓉泰式焗青口。虽然个泰式酱料，略为甜咗少少，但青口肉质新鲜弹牙。 呢度嘅海鲜盘绝冇欺场，有新鲜鲍鱼，蛏子皇，贵妃蚌， 扇贝，多宝鱼 ，蚬，海虾，仲有我哋叫嘅龙虾同埋海蟹。 半边龙虾，都唔细仔，肉质结实弹牙，龙虾新鲜且鲜味浓， 最紧要系佢有膏， 吃时增加左膏香味。 佢哋嘅海蟹又系必点之选。因为非常香甜，鲜甜度比龙虾更正， 而且肉质冇咁实，外壳好易剥出嚟，食落去啖啖肉，超爽。 另一款