影片
更多
2022-06-27
57 浏览
附近见完客，知道附近有间出名饼店，谂住碰碰运气买比屋企人食点知见到大排长龙，于是喺附近行下睇下有咩好食竟然隔几个舖位见到一间同侧边嘅舖头对比系非常唔同，装修较日系休闲风嘅店舖 ，非常突出同吸睛。好奇之下行去睇下佢嘅餐牌，见佢外卖好平，下次过开嚟一定试下！之后向店员问下个萝卜糕因为屋企人钟意食 。知道有腊味，虾干同瑶柱之后都觉得几吸引，再加上佢有用个陶瓷盘密封左 ，觉得拎返屋企都唔怕咁易变坏就决定帮衬。返到屋企拎出嚟睇，见到佢𠮶包装原来好稳阵，要赞下！煎到金黄色之后我同屋企人就开始食啦。煎嘅期间已经闻到好香嘅味道，同一般唔同，食落去腊味虾干同瑶柱嘅味道好香口，煎到外面少少干脆身，配料十足又有d咬口，食落又有咸香味，太好食！佢个萝卜糕比例好好，唔会食到好粉，又好怕好实萝卜丝嘅萝卜糕，佢呢只真系啱啱好！煎嘅时候唔会散晒，食落又唔太粉又有萝卜咬口，好食到煎左一批都唔够食！好彩佢份量够多，估唔到反应热烈，一扫而空，会再回购！
竟然隔几个舖位见到一间同侧边嘅舖头对比系非常唔同，装修较日系休闲风嘅店舖 ，非常突出同吸睛。好奇之下行去睇下佢嘅餐牌，见佢外卖好平，下次过开嚟一定试下！之后向店员问下个萝卜糕因为屋企人钟意食 。
知道有腊味，虾干同瑶柱之后都觉得几吸引，再加上佢有用个陶瓷盘密封左 ，觉得拎返屋企都唔怕咁易变坏就决定帮衬。
返到屋企拎出嚟睇，见到佢𠮶包装原来好稳阵，要赞下！煎到金黄色之后我同屋企人就开始食啦。煎嘅期间已经闻到好香嘅味道，同一般唔同，食落去腊味虾干同瑶柱嘅味道好香口，煎到外面少少干脆身，配料十足又有d咬口，食落又有咸香味，太好食！
佢个萝卜糕比例好好，唔会食到好粉，又好怕好实萝卜丝嘅萝卜糕，佢呢只真系啱啱好！煎嘅时候唔会散晒，食落又唔太粉又有萝卜咬口，好食到煎左一批都唔够食！好彩佢份量够多，估唔到反应热烈，一扫而空，会再回购！
张贴
