影片
更多
2019-03-25
330 浏览
湾仔冰室基本上系我爸𠮶边亲戚嘅聚脚点，唔想我80+岁嘅嫲嫲煮，我地就去呢度包两枱食餐好！必食推介：1）椒盐豆腐 - 外脆里面滑爆，超香口，我两岁几嘅女一见到就大叫（脆）卜卜！2）椒盐鲜鱿 - 香口嘢真系好难抗拒，仲要坚好食，黎亲都叫呢个菜做appetizer会唔会有点过份呢？3）辣子鸡丁- 老板娘好有诚意，上次话唔辣即刻叫师傅改良，今次辣度刚好，如果你想要超辣就不妨同老板娘讲声。4）葱油鸡 - 净系面个层厚厚嘅葱油都已经够你食晒碗饭！5）沙姜鸡 - 食完葱油鸡，你会觉得呢个唔够味，建议你饮啖水浪浪口先食！沾多啲沙姜汁先放入口！6）梅菜扣肉 - 其他我唔食肥膏，净系食瘦𠮶啲位，同食梅菜，好好捞饭，仲好体贴咁配有健康嘅白菜仔，仲入晒味！新菜式：1）黑松露虾蒸豆腐 - 长辈但话唔系人人钟意黑松露，觉得有阵煤气味🤣我系黑松露粉丝黎，我觉得好香㖞，同豆腐冇乜违和。大家不妨一试嘅！唔可以miss嘅甜品：（食套餐加$18有甜品，超抵！）1）木糠布丁 - 我每次都叫呢个，香滑唔漏！2）莫卡奶冻 - 老板娘主理嘅新出品，入口要嗒到喉咙椗先嗒出叻啡味，ok嘅，可以一试！3）朱古力蛋糕-上次我地食左好立克奶
必食推介：
1）椒盐豆腐 - 外脆里面滑爆，超香口，我两岁几嘅女一见到就大叫（脆）卜卜！
2）椒盐鲜鱿 - 香口嘢真系好难抗拒，仲要坚好食，黎亲都叫呢个菜做appetizer会唔会有点过份呢？
3）辣子鸡丁- 老板娘好有诚意，上次话唔辣即刻叫师傅改良，今次辣度刚好，如果你想要超辣就不妨同老板娘讲声。
4）葱油鸡 - 净系面个层厚厚嘅葱油都已经够你食晒碗饭！
5）沙姜鸡 - 食完葱油鸡，你会觉得呢个唔够味，建议你饮啖水浪浪口先食！沾多啲沙姜汁先放入口！
6）梅菜扣肉 - 其他我唔食肥膏，净系食瘦𠮶啲位，同食梅菜，好好捞饭，仲好体贴咁配有健康嘅白菜仔，仲入晒味！
新菜式：
1）黑松露虾蒸豆腐 - 长辈但话唔系人人钟意黑松露，觉得有阵煤气味🤣我系黑松露粉丝黎，我觉得好香㖞，同豆腐冇乜违和。大家不妨一试嘅！
唔可以miss嘅甜品：
（食套餐加$18有甜品，超抵！）
1）木糠布丁 - 我每次都叫呢个，香滑唔漏！
2）莫卡奶冻 - 老板娘主理嘅新出品，入口要嗒到喉咙椗先嗒出叻啡味，ok嘅，可以一试！
3）朱古力蛋糕-上次我地食左好立克奶冻，我个女人仔细细食晒成杯，又真系唔漏又好滑！今次佢食朱古力蛋糕，竟然食唔晒，我试左一啖，嗯，确实系一般。
张贴
