新泰東南亞餐廳

营业中

休息中

呢间餐厅已经同屋企人一起黎过好多次，抵食又好味，每次都觉得有新惊喜，今次都不例外。一开始上既系青木瓜沙律，木瓜条幼细酸脆，爽口又醒胃。食一啖青木瓜沙律再配一啖佢既椰青沙冰，冰冰凉凉，相当清爽，瞬间胃口大开。今次既海南鸡非常惊喜，虽然鸡味唔系好浓，但系就胜在鸡肉超级滑。青咖喱唔系好辣，香浓惹味，蒜蓉包咸甜香脆，非常推荐将青咖喱摆系蒜蓉包上面既食法，口感好有层次，满足感大增。鱼肉生菜包相当特别，鱼肉粒炸到外脆里嫩，包系生菜入面食完全唔油腻，反而好爽口，不过如果贪心包多左就好易漏出来菠萝炒饭非常香甜，马拉盏通菜炒得好够味。