金輝燒臘

营业中

休息中

妈妈话佢下午约左朋友，晚餐煮唔到，问我有咩提议，我就话不如买烧味返屋企，再煮碟菜煮个饭，简简单单咪得啰。返完教会，去左附近的大街市买，唔系好识去左间光猛，比较卫生D既去买。挂住D烧肉，放在枱上的叉烧都几靓，感觉新鲜，叫佢切二人份量比我，佢真系可以切唔系好大旧的比我，态度仲要几好，见到烧鸭都几靓就要埋只脾，加埋大大盒都系$100松啲，十分超值。返到屋企等埋屋企人返，8点左右先食得饭，啲烧肉皮仲脆的，肉质松软唔会好咸，有少少肥，令肉不会太DRY。叉烧都系烧得好靓，满有酱汁，外面有少少脆，入面仲好结实好香口。烧鸭皮脆肉厚，入口都唔觉肥腻，下次都会帮衬呢间。