丼丼屋 (已結業)

寻晚我同屋企人去左乐富丼丼屋食团年饭，因为早前经过乐富地铁站攞左优惠券，原来呢间分店将会系三月头结业，所以星期一至四晚有买一送一优惠，只要系正价主餐就可以寻晚都算座无虚席，我地五人总共叫左六个主餐，整体来说份量比我之前食嘅细左，但服务都算可以，环境舒适我点左天妇罗饼乌冬，一开始见餐牌写住每日只限十客，所以去到即刻叫，期望好大，可惜食落有点失望，天妇罗嘅款式有点似𩠌头𩠌尾，有三文鱼碎、蟹柳、茄子、菇、一粒带子......，不过味道好淡，但乌冬就几好食，口感佳我其他屋企人就点左咖哩猪排滑蛋饭、馒鱼饭、炙烧鱼生饭、辛辣海鲜乌冬、䐁肉饭，馒鱼饭及鱼生饭味道不错，但都系比较细份量，另外猪排饭就唔够热虽然食物质素冇之前咁好，但总算开开心心食团年饭，而且埋单只系三百蚊，买一送一嘅优惠好抵食，最后仲有得抽奖，抽到下次食甜品或饮品可以买一送一，可以再试下