味苑 (已結業)

呢排成日落雨已经好耐无俩口子撑枱脚，见今日终于好天，就决定夜晚出街食过饭，再行下街先。近近地行到去荃湾广场附近见到一间装修几精致嘅中菜店，老公又钟意食中菜，一于入去食个晚饭再去一田扫货先😌店内装潢精致，新派得黎又有少少怀旧风。公鸡碗碟好令人怀念啊！餐牌选择多，而且又有套餐优惠，价钱又不贵。烧腩仔外皮松化脆口，肉味鲜不算太咸，有水准。泰式咸鱼茸炒通菜最爱泰式炒菜，特别惹味香口，咸鱼茸咸香浓味，令到通菜食落都特别鲜甜。韩式柚子凤尾虾摆位精致，入口虾肉爽口弹牙，酱汁甜甜酸酸好开胃，而上面有少许柚子肉，清新又清甜。蜜汁㰖角牙签骨份量十足，肉质软嫩入味，蜜糖味香甜，㰖角又够惹味，坚好食👍🏻附近隔离枱好多大家庭饭局，果然好适合大颗子聚会食饭嘅好地方！