燒夜食堂 (已結業)

依間餐廳都開咗一段時間啦，係凌晨12:00會過去食下野，串燒都幾好食。多春魚同埋雞軟骨，多春魚有少少苦，雞軟骨都燒得幾脆。溏心蛋十分溏心，好甜，但係建議拎出嚟解凍一下先比客人，因為真係好似冰咁凍。芒果蟹子沙律，芒果係用罐頭芒果，冇乜特別嘅沙律。雞軟骨黑蒜油拉麵，個湯底好濃郁，豬軟骨做到好軟林林，肉骨融為一體，好味，不過比較油膩。茄子我就覺得麻麻地，太重口味，同埋有啲乾，如果轉做辣肉醬茄子會好味好多。屋企附近一直都冇好嘅串燒店，依間已經算係做得唔錯。