大壹燒鵝 (啟田大廈)

营业中

休息中

其实我已经帮衬过大壹嘅堂食好几次，每次都食得好满意！今次自己喺屋企煮饭，就顺便买半斤叉烧返去加𩠌！我专登叫收银落单时俾半肥瘦叉我，点知佢话：「我哋净系得半肥瘦㗎咋」🤣睇嚟如果想食瘦叉嘅朋友就唔啱喺度食喇，不过叉烧唔肥又点会好食呢😝大壹嘅叉烧无论系堂食定外卖水准一样咁高！每旧都充满蜜味同焦香味，瘦肉同肥肉大概系6/4嘅分布，有脂肪嘅香软得嚟又唔会太油腻，就系摆耐咗冻咗都仲系好食！不过我个人建议用气炸㶽轻轻翻热一下，会更正！下次大家煮饭如果想斩料加𩠌，绝对推荐大壹烧味！