屋喔 (已結業)

「屋喔」你会谂起咩呢? 对于七八十后黎讲，应该会谂起当年好兴既ICQ。「屋喔」呢间台风餐厅，位于旺角朗晴坊，系正朗豪坊隔黎，除左台湾菜外，仲有台式西餐，座位方面，有室内同室外，室外地方仲系半露天，但系有冷气既。是日星期日，同朋友睇完戏之后黎食个late lunch，下午两点钟黎到，餐厅都唔算太多人，唔洗等位，真系好。我地2个每人叫左一个餐，再叫多左个甜品share。套餐包一杯饮品，可以拣柳丁绿茶或者苹果雪梨乌龙茶，如果要配其他饮品就要加钱。蜂蜜桂圆红枣玫瑰:花茶口味款式多，有透明既茶壶煲住，可以慢慢叹，蜂蜜桂圆红枣玫瑰花茶好香玫瑰味，加埋红枣，味道清新又香甜，开胃醒神！榛子咖啡:榛子咖啡等候需时，上台时热辣辣，咖啡味香浓，值得一赞。台式汤面配猪软骨:汤面汤底好浓，猪软骨食落好咬口，面系用阔条面，好弹牙 ，好有口感，好有地道台湾风味。台式肉燥饭(鸡排):肉燥饭用一个细铁桶装住，好有旧时工厂女工午餐饭盒既feel，饭量都几多下，配埋味道浓香惹味既肉燥同溏心蛋捞匀一齐食真系🏻非常好食。屋喔窝夫:呢度既窝夫唔系格饼，而下用自家制既模整食既，呈茶壶形状咁， 好厚食落软绵绵，切开中间仲有D吉士酱，