龍順軒海鮮酒家

营业中

休息中

街坊酒楼，应该住系呢条村既街坊先会黎，所以生意好似麻麻，平日晚饭时间得十枱客到。乳鸽，$32一只热辣辣，皮脆脆，肉质嫩，烧味舖都卖三十几一只，呢度算平！清蒸龙趸仔特价菜，四人只可选一款，只需$48唔算细条，四人食刚好。蒸得好嫩滑，好味！椒盐虾炸得好脆，微辣，椒盐好多，惹味，虾几大只。栗子好林，但排骨肉太瘦有啲鞋。有唔少块鲍贝片，整齐几好味。送糖水，绿豆沙几钟意呢个，够沙，唔似得有啲酒楼水沟豆甘。做得几好！整体上唔错，职员好快手同友善。价钱大众化，四个人先三百左右，抵食，但感觉枱布有啲污糟。