南味小調 原創風味篇 (已結業)

黄大仙村里有间食店，佢d食物一流水准。食完lam lam 舌回家，回味无穷。 老板提醒所有食物一定要饮汤先，因为汤是精髓所在。米酒鸡花胶锅～～老板一把汤放在枱上，已经闻到阵阵酒香，锅里有滑滑鸡肉，木耳，姜片，先煲热个汤，再把洗过及发过的花胶放入汤中滚熟，就可以食啦。汤浓有鸡鲜味，木耳爽口，仲要份量多，花胶都好大只，有成10只一锅，滚完食，又保身又保骨胶原。几个一下就饮完个汤，因为个汤实在太“正” ，原本想用来打边炉，但现在饮完，就只好叫多几个小菜食。 古法枝竹羊肉煲～～未到冬季已经开始食羊腩煲暖身及保身，咁唔知会唔会热气过剩，流鼻血？羊肉香喷喷，配有花菇，马蹄，竹笋，枝竹，葱，炆几个钟，羊皮弹牙，羊肉鲜嫩，唔韧，仲有羊鲜甜味。叫了白饭配羊腩煲汁食，可以食几碗饭 。再用羊汁滚下生菜食“正”。 二重天焗鱼腩～～我觉得鱼腩爽脆弹牙，啖啖肉，配上爆过葱粒同姜粒，非常美味。台湾牛肉面～～佢地牛肉面非试不可，个样好普通的牛肉面，但一饮个汤，一试难忘 ，鲜甜味美，原来厨用海鲜去煮这个汤，怪不得咁好味，牛肉鲜嫩，面爽滑。我下次想食佢地香辣麻鸡煲，同清澈水煮牛。