Seafood Stand (已結業)

今晚同朋友去乐富试吓呢一间Seafood Stand，一入到去觉得餐厅设计别致，好似去咗外国咁。细细间餐厅，座无虚席，只有两个服务员，但系服务态度非常好。我同朋友叫咗个牛魔王汉堡，好足料，另外转套餐，加咗个芝士条同埋餐汤，个餐汤系粟米汤，超好味，值得推介。我哋再叫咗个10安士特级安格斯肉眼扒配薯菜，呢一个套餐就跟三文鱼手指同埋橙汁。个肉眼扒煮得恰到好处，啲肥膏入口即溶，超正。我哋另外再叫咗个炸鱼薯条，同埋田园沙律一齐食。我哋都好耐冇食过炸鱼薯条，好怀念。我觉得Seafood Stand系一个同朋友聚会嘅好地方，畅所欲言，过好开心嘅一晚。