一茗堂 (南山商場) (已結業)

呢间西餐厅经常成为我lunch饭堂，每次想食好嘢就去帮衬佢，虽然lunch价钱比其他餐厅高，但质素非常高，令我不断再回头帮衬。每次同同事两个人食都会叫两个餐，然后share，咁就可以食到唔同嘅嘢。Lunch set系会包沙律或者餐汤，餐汤每日唔同，今日系蕃茄汤，十分浓味，仲有番茄酸酸甜甜嘅味道。其他日子试过系蘑菇汤，都系十分好饮，仲有蘑菇蓉粒。今次我地试左佢Menu上嘅新嘢 - 招牌照烧汁鸡扒煎蛋配珍珠饭，同埋次次都会叫嘅pizza - 杂锦肉食爱好者10吋薄饼。鸡扒饭用木碗装住，颇有韩国风味。鸡扒相当入味，配以珍珠饭及少量蔬菜，份量十分足够。食肉兽pizza，每次都无失望，仲要食极都唔厌。pizza系薄底，香脆可口，馅料方面有火腿、鸡肉、香肠等，真系啖啖肉。佢地除左pizza出色外，扒类及汉堡包都系大热之选，十分推介俾大家。旧式屋邨内嘅佢，真系独一无二。