壹級日本料理 (已結業)

我同老公寻日放假,今日瞓到自然醒,起身已经11:30am,已经食午餐时间,加埋落雨唔想去咁远,就谂住近近地落楼下冬菇亭试下呢间新开日本料理店,舖头开12nn,大约12:10pm落到去,我地系第一台顾客,两个人各自点一个午餐,我叫照烧鸡扒定食($40) ,老公叫吉列猪扒定食($40) ,每人加多支樽装汽水,跟餐只系加$5,星期一至五午市不需加一服务费!等左约10分钟左右,两个餐都一齐来,绝对唔会因为平而hea俾我地,猪扒系热辣辣新鲜炸起,鸡扒都系煎到脆脆感觉到佢地做餐嘅诚意,而且服务态度良好,下次再试埋其他嘢食,希望再有其他惊喜!