康城酒樓

营业中

休息中

呢间康城酒楼食物同服务都差到极点，因为有家中嘅长者嘅原因，所以焗住要喺呢度食。肠粉好似啲烂泥咁样，摆到入口根本吞唔落，啜住喺喉咙𠮶度，鲮鱼球硬到好似哥尔夫球咁，煎酿三宝翻煎翻煎再翻煎，牛肚咸到肾衰竭，山竹牛肉𠮶啲牛肉好似畀狗偷食过咁样，鸭脚扎好似啲二手回收点心咁样，只鸭脚畀人咬咗半只？总之啲点心样又唔得味道又唔掂！服务态度仲搞笑，全部伙记都好似阿崩叫狗咁越叫越走，喺你面前行过都唔帮你开 点心卡同冲茶，全部都时运高咁，各位伙记门最热充嘅就系同啲熟客师奶打牙骹。环境又系好得意㗎，遇著落雨就会天花板漏水，最好就担住把遮嚟食嘢啦。