漢和麵飽西餅

营业中

休息中

偶然间来到沥源邨睇医生，见到呢间面包店，又有小食卖，斋馅面包都卖得好平，七蚊三个，超抵！唔系迷你包size㖞！但我有兴趣试佢嘅小食。门口招牌写住大哥小食，汉和面包， 一睇就知系旧式屋邨先会有嘅面包店。 小食都好平，咁啱差唔多午饭时间，试下佢嘅炒米粉，同埋碗仔翅。炒米粉$10一碗，大碗， 份量真系超多，呢日太迟来买，卖剩嘅炒米粉全部装满畀我，好开心！不过，用料少d, 火腿，葱，蒜蓉，就系呢几样， 米粉就好大量，味道方面比较淡， 唔记得叫佢加甜酱，辣酱，同芝麻添，可惜。碗仔翅，都系要大碗的，同炒米粉一样的碗size, $15,见到佢真系装满晒。 加咗麻油胡椒粉醋。用料超多， 可能又系因为卖剩最后一碗，全部装晒畀我，所以沉底的用料全部都畀晒我，啲汤的质地比较稀，但系用料丰富，有冬菇，粉丝，瘦肉丝，云耳，木耳，好爽口。味道方面亦非常好味，咸淡适中，加咗胡椒粉，麻油，醋，味道更好。推介食呢度嘅碗仔翅！下次会再帮衬。