意樂餐廳 (秀茂坪商場)

营业中

休息中

是日係秀茂坪做嘢，見做到成點鐘，無理由又落返觀塘先食Lunch㗎嘛，唯有行去秀茂坪商場𥄫𥄫，初初諗住依啲屋邨，都係求其茶記乜記就算㗎啦，然後見到依間意樂，見又無乜嘢好揀，就簡簡單單食一餐啦。一直對呢啲連鎖集團都無乜期待，其實咪又係大乜樂同翠乜個一類之輩，裝修就都係一式一樣㗎啦，行工業風，牆上面有幾個懶係國際時間嘅鐘，不過就全部都唔郁嘅😂不過坐位之間都尚算濶落，坐落還可以。香脆魚柳滑蛋蓋飯配西西里茄汁魚柳煎得尚算香口，而且都唔會好乾，蛋都好香滑，係爭在個汁濃味過頭🤔如果呢個價錢嘅西式餐廳，款式算比較多同埋座位都坐得舒服嘅，比起同一集團另一間以茶餐廳食物為主嘅(雖然說穿了依間都係茶記😂)，意樂算係做得唔錯嘅。