影片
更多
2011-09-27
421 浏览
鸿兴位处屏山，一连四、五个舖位，仲有一个露天停车场系隔离，好似都唔细。虽然𠮶鱼缸唔大，但系都有十条、八条唔同大细嘅斑，地下就放咗几个胶盆，有虾、有蟹。大花虾只系剩番两只，我哋一行三人，就拣咗六只鬼虾，用豉油皇煎，因为望落都几大只，$10一两，共10两，盛惠$100。尽头嘅舖位，就系烧味嘅肉枱，老板娘话烧肉靓，我哋就叫咗𠮶烧肉拼烧鹅。返埋位，我哋再加碟啫啫通菜牛肉煲、炒斑球同八宝冬瓜粒汤，合共四𩠌一汤。烧肉拼烧鹅先到，先食一口烧肉，偏肥，入口有d油腻，皮脆，但偏硬，坦白讲，撇除肥瘦问题不谈，烧烤功夫一般，而且味道偏咸，麻麻地；至于烧鹅，系下装，唔太肥，皮唔算脆，但可以接受，肉质嫩滑，味道亦适中，唔会过咸，比烧肉好食，$60一碟双拼，可以接受。跟著系豉油皇煎鬼虾，卖相一流，如果色泽再深d，仲靓；未食，都闻到豉油皇嘅香味，唔错；只虾都好大只，$100六只，仲要系活虾，抵食；入口，肉身爽，豉油皇亦入味，盖过虾嘅鲜味，但鬼虾本身唔够鲜味，用豉油皇煎就正好把鬼虾嘅弱点掩盖。𠮶八宝冬瓜粒汤，真系好多料，除咗冬瓜外，仲有胜瓜、草菇、葱、瘦肉、鸡肉、火腿、鲮鱼肉、蟹柳、虾仔、鱿鱼须，可惜汤底唔够清，有d
虽然𠮶鱼缸唔大，但系都有十条、八条唔同大细嘅斑，地下就放咗几个胶盆，有虾、有蟹。
大花虾只系剩番两只，我哋一行三人，就拣咗六只鬼虾，用豉油皇煎，因为望落都几大只，$10一两，共10两，盛惠$100。尽头嘅舖位，就系烧味嘅肉枱，老板娘话烧肉靓，我哋就叫咗𠮶烧肉拼烧鹅。
返埋位，我哋再加碟啫啫通菜牛肉煲、炒斑球同八宝冬瓜粒汤，合共四𩠌一汤。烧肉拼烧鹅先到，先食一口烧肉，偏肥，入口有d油腻，皮脆，但偏硬，坦白讲，撇除肥瘦问题不谈，烧烤功夫一般，而且味道偏咸，麻麻地；至于烧鹅，系下装，唔太肥，皮唔算脆，但可以接受，肉质嫩滑，味道亦适中，唔会过咸，比烧肉好食，$60一碟双拼，可以接受。
跟著系豉油皇煎鬼虾，卖相一流，如果色泽再深d，仲靓；未食，都闻到豉油皇嘅香味，唔错；只虾都好大只，$100六只，仲要系活虾，抵食；入口，肉身爽，豉油皇亦入味，盖过虾嘅鲜味，但鬼虾本身唔够鲜味，用豉油皇煎就正好把鬼虾嘅弱点掩盖。
𠮶八宝冬瓜粒汤，真系好多料，除咗冬瓜外，仲有胜瓜、草菇、葱、瘦肉、鸡肉、火腿、鲮鱼肉、蟹柳、虾仔、鱿鱼须，可惜汤底唔够清，有d油，味道仲好复杂，因为入面有太多唔同种类嘅食材，唔细心挑选过，唔多喜欢。
至于啫啫通菜牛肉煲，唔系砂锅，系一个铁锅，牛肉有d过熟，偏韧，通菜亦都系煮得太耐，唔够青绿，唔知点解，仲有d猪润系𠮶锅入面，哈哈，而且冇啫啫嘅惹味。
最后，系炒斑球，老板娘话系新鲜㓥嘅大青斑，入口都觉新鲜，绝对唔系雪藏鱼，都有d鱼味，但唔滑，肉身亦唔爽，$90一碟，普普通通啦。
哈，呢度有樽装可乐，不过系大樽装，一人一支，好味道。
今晚最好食嘅一定系豉油皇煎鬼虾，而且系非常抵食，其他𩠌菜，水准一般，不过价钱平，翻开餐牌，好多菜色都系$40-$60，唔算贵；今晚有鱼、有肉、有菜，仲有汤，埋单$375，每人$125，经济抵食。张贴
