Pizza Delicaso

营业中

休息中

同朋友黎左欣屏苑，Lunch到左商场食，转左一圈决定食Pizza，就拣左Pizza Delicaso，佢外卖堂食都ok㗎，有位坐😋⭐Large Pizza叫左个大薄饼，要双并口味Beef + Tuna Fish，一上枱就香喷喷，上面仲有厚厚嘅芝士，睇见都流口水🤤基本配料有三色椒、橄榄、青瓜等，牛肉口味就系加咗牛肉粒啦，另一款加咗吞拿鱼块，酱汁系蕃茄酱，酸酸甜甜系好食㖞。⭐Lamb Burger + Fries + Drink另外要咗份羊肉汉堡餐，汉堡包入面夹住羊肉扒、生菜、蕃茄、青瓜丝，酱汁系带有辣味嘅千岛酱，松软可口👍⭐Lamb Paratha Roll + Fried + Drink自己就加咗份羊肉卷，饼皮有点酥皮嘅感觉，内边包住羊肉粒、青瓜丝、生菜、蕃茄粒、三色椒等，酱汁用上青瓜乳酪酱，酥软香甜有口感，正👍个餐仲有薯条同汽水，薯条都系即叫即炸好香脆㗎。除咗点茄汁，餐厅仲会附上四支酱料，辣椒酱、辣味千岛酱、青瓜乳酪酱同薄荷沙律酱，我就觉得呢四只酱都好好食，尤其钟意支薄荷沙律酱🤤顺带一题，美食广场有个牌仔写住用餐后自己收拾垃圾，咁当然好多人唔会咁做，餐厅员工都会出嚟帮手收嘅。