厚興瑜記手撕雞 (已搬遷) 新店位置

我住呢头，近呢两三年前喺度买手撕鸡已经好多次，虽然佢d鸡好多油，但因为贪方便，我谂唔到煮咩时都会四买佢。但呢间野做生意真系好唔老实，话说我每次都系买手撕鸡半只少辣，佢次次都骨多过肉，我最近3次买时已经忍唔住投诉，话佢d骨不合理地多，但系佢唔止唔认，仲闹返我转头，话佢地从来唔会偷工减料，仲话我屈佢，闹得好大声，务求要在场既客净系听到佢把声，好啦，今次我俾佢闹到冇声出喇，咁事实系咪我怪错左佢呢？我都希望系。因为我想食肉，唔系骨。返到去打开盒鸡食，我同家人都冇特别去留意，虽然大家都觉得好多骨，咁但我地记就谂，可能只鸡瘦啦，咁咪骨多过肉啰，点知食食下发现佢呢半只手撕鸡竟然有两只翼同翼尖！我好想知半边鸡点解会有两只翼。错就要认，三番两次死口唔认，仲发恶闹客，话1客屈佢，我已经谂唔到理由再帮衬。