太平洋咖啡 (已結業)

近期经过Pacific Coffee，见到佢有张横额广告，推消新出嘅甜品。今趟晌机缘之下，有幸一试！所以晌度同大家分享两款好味甜品：层层叠香蕉杯 (Banana Toffee Trifle)、意大利芝士饼 (Tiramisu)。层层叠香蕉杯：下层系香蕉肉加拖肥酱，中层系脆脆粒粒，上层就系一抹幼滑忌廉同朱古力碎。拖肥不嬲都被人觉得系超甜嘅嘢，但依个香蕉杯嘅拖肥甜度就大幅降低咗，食落仍然有重重嘅拖肥香，但就无咁「漏」；加埋熟透嘅香蕉肉，净系下层已经好啱食。脆脆嘅「卡擦」口感，配埋幼滑忌廉，钓住少少拖肥酱一齐食，又OK㖞，咁样食就唔会觉得D忌廉好肥，钓住少少拖肥酱又令D脆脆多咗层甜香！果然有惊呀！意大利芝士饼：常见嘅甜品之一，但有别平时见到一件件嘅芝士饼，而用小杯装，原来系因为当中做嘅芝士馅做得好幼滑，相对就变得比较「泻身」，要改用杯装，唔可以做成饼状，不过，无论芝士馅，定抑或浸咗咖啡酒嘅手指饼，味道一样咁正！