影片
更多
2019-10-10
5156 浏览
韩国前排好流行食九层海鲜塔🦞🦀🐟🦐，一路都好想试，不过无缘飞去韩国食，竟然比我揾到香港-黄埔都有一间专门食海鲜塔，约埋至爱食海鲜嘅朋友仔来拆餐劲嘅，终于可以一尝口福之欲啦！😚行到门口已经感受到阵阵「韩风🌬」杀到埋身，皆因门口有得比你自助韩服体验🎎，又可以打卡啦！套餐有三个选择，鹭梁津海鲜9重海鲜塔🏯、升级版济洲岛10重海鲜塔、景福粥底塔，我哋拣咗个升级版济洲岛10重海鲜塔，每位$468。餐厅以半自助形式，自助吧有沙律🥗、各种调味料、凉拌菜、当然唔少得有泡菜啦、韩式辣炒年糕、荞麦冷面、生果🍈🥭、甜品 (日本大福、椰子洋羹、朱古力曲奇慕思、摩天轮糖果🎡)、加$12蚊就可以任饮，有各式各样罐装饮品，想饮得健康啲，都有自家制竹蔗茅根同埋自家制袪湿薏米水，味道一啲都唔甜，啱晒怕肥又想饮嘢嘅朋友。坐左无耐，店员先拎咗碟韩式泡菜煎饼嚟，包住少少泡菜食又几好味噃，煎饼边边又够脆。终于到咗最期待嘅画面出场啦🤩，店员捧住成座海鲜塔上台，虽然无9层咁多，但因为每个蒸炉都好高，所以感觉都好澎湃！首先店员会放支温度计喺个炉度，当去到90几度就食得啦，睇住个温度计啲温度系咁上升，真系好心急🤨、好兴奋🥳，终于食得啦
韩国前排好流行食九层海鲜塔🦞🦀🐟🦐，一路都好想试，不过无缘飞去韩国食，竟然比我揾到香港-黄埔都有一间专门食海鲜塔，约埋至爱食海鲜嘅朋友仔来拆餐劲嘅，终于可以一尝口福之欲啦！😚
行到门口已经感受到阵阵「韩风🌬」杀到埋身，皆因门口有得比你自助韩服体验🎎，又可以打卡啦！
套餐有三个选择，鹭梁津海鲜9重海鲜塔🏯、升级版济洲岛10重海鲜塔、景福粥底塔，我哋拣咗个升级版济洲岛10重海鲜塔，每位$468。
餐厅以半自助形式，自助吧有沙律🥗、各种调味料、凉拌菜、当然唔少得有泡菜啦、韩式辣炒年糕、荞麦冷面、生果🍈🥭、甜品 (日本大福、椰子洋羹、朱古力曲奇慕思、摩天轮糖果🎡)、加$12蚊就可以任饮，有各式各样罐装饮品，想饮得健康啲，都有自家制竹蔗茅根同埋自家制袪湿薏米水，味道一啲都唔甜，啱晒怕肥又想饮嘢嘅朋友。
韩式泡菜煎饼
78 浏览
0 赞好
0 留言
坐左无耐，店员先拎咗碟韩式泡菜煎饼嚟，包住少少泡菜食又几好味噃，煎饼边边又够脆。
海鲜塔
71 浏览
0 赞好
0 留言
终于到咗最期待嘅画面出场啦🤩，店员捧住成座海鲜塔上台，虽然无9层咁多，但因为每个蒸炉都好高，所以感觉都好澎湃！首先店员会放支温度计喺个炉度，当去到90几度就食得啦，睇住个温度计啲温度系咁上升，真系好心急🤨、好兴奋🥳，终于食得啦！😋😋😋
第一层系韩国鱼糕花胶串同埋韩国象拔蚌，象拔蚌爽口弹牙，韩国鱼糕花胶串加少少豉油调下味仲更加美味；
第二层系泰国海虾🦐、蒜蓉粉丝日本大元贝，啲虾又大只又多膏，好鲜甜，元贝好大粒，配埋蒜蓉粉丝食就perfect match🤗；
第三层系加拿大波士顿龙虾🦞，啲肉好爽口好新鲜；
第四层系花尾龙趸指天翅🐟、安格斯牛仔骨、大花蛤，花尾龙趸好滑好鲜，安格斯牛仔骨肉质嫩滑又无筋，花蛤大大只好鲜甜，而且无沙；
最底层系蚝汁大莲鲍鱼同有机蕃薯🍠同粟米🌽，鲍鱼好新鲜呀，Q弹的感觉，而有机蕃薯同粟米因为吸晒上层嘅海鲜，味道更加鲜甜。
43 浏览
0 赞好
0 留言
每一层都充满惊喜... 唔好以为惊喜就咁完，惊喜一浪接一浪，一路食海鲜期间，店员会打鼓通知有新鲜食物送到，有唔同味道嘅炸鸡 🐔(蜜糖芥末、韩式辣酱、白松露) 芝士猪肋骨、酱油虾🦐，酱油鲍鱼，每人只限拎一件，行慢啲都无晒！🏃♀️
食完海鲜就试下啲甜品先，特别要介绍椰子洋羹🥥，椰子味浓，仲有阵阵花香味🌸，味道一流，我都忍唔住食左3杯！😋😋😋
真系好丰富嘅一餐，虽然价钱都唔平🤑，拍得住去酒店食自助餐，不过净系惊喜程度都已经攞晒分，好值得推介！！👍👍👍
张贴
