旺記打冷小菜館 (已搬遷) 新店位置

呢间打冷小菜馆环境望落虽然有啲残旧，但啲𩠌全部都好正😊👍🏼韭菜猪红 （$50）蚬仔肉（$50）卤水大拼盘好大碟 甚么都有，包括 猪耳、卤水鹅、鹅肠、红肠、墨鱼、大肠、小肠、豆腐羊腩煲（$298）大概系我食过最好食既羊腩煲🥺，啲羊好靓，煲到好腍好入味，又唔膻唔韧，羊肉又唔痴骨，再加埋配料生菜同枝竹，真系不得了，其实食呢个都已经好饱好够好满足🥺。驰名醉鸡煲 全只（$300）老板会教埋煲醉鸡煲既step😂，开火几耐，几时放鸡，几时熄火，要将啲鸡焗几耐，最后仲亲自帮我地分2次落鸡😂几好服侍👍🏼。只鸡唔止脾位滑，连鸡胸位都唔鞋😳！！劲正，又煲到入哂味，食到Lam Lam 脷😋。墨鱼饼（$78/6件）炸粉好薄，外面又脆又香口。椒盐白饭鱼（$88）其实仲叫左好多野食，不过挂住食唔记得影相😂。