満足食堂 (已結業)

餐厅已经喺石篱开咗一段时间，由于有传媒报导过，人气久久不散，自问住嘅地方唔算系好方便，好佩服大家为咗揾好嘢食捐窿捐罅嘅精神😛之前曾经都试过排队，但实在要等太耐，家中又有老人家，最后都系半途而废。遗忘咗一段时间后经过附近，决定同家人入去试下。餐厅食物选择好多，无论系定食、渍饭、锅物定烤肉，都一应俱全。虽然身处熟食市场内，旁边系两间开咗好耐嘅港式大排档，乙环境同一般日式饭堂或者居酒屋好唔同，但相宜嘅价钱绝对可以弥补地理位置嘅不足👍🏻我哋叫咗吉列特选猪扒定食($58)、牛油煮蚬($48)同HuwaHuwa静岗蒸蛋($38)，定食包渍物、沙律同味噌汤，吉列猪扒即叫即炸，金黄香脆，而且唔油腻，份量亦足，都几抵食😋另外必须赞下个蒸蛋，颠覆咗一贯对蒸蛋嘅认识，佢嘅蒸蛋有种食紧疏乎厘嘅感觉，好蓬松，带有好强空气感，感觉好特别🤩牛油煮蚬亦唔错，带有浓浓海水味嘅蚬，加上牛油香，令人食完一啖又一啖😉听闻店主本身喺一位日本大厨，好感恩佢选择喺呢到开店，店虽然唔大，但食到嘅系厨师嘅用心♥️