影片
更多
2018-02-24
1998 浏览
適逢夜晚收工經過灣仔買野就趁呢度未閂門一於食返我細個最鍾意食既茶餐一坐底唔洗十秒已經有伙記黎問我想食咩我諗都唔洗諗就叫返我叫慣左既常餐A組合炸菜肉絲鮮牛丁麵炒蛋牛油多士熱奶茶茶走等左3分鐘度啲野就黎齊哂雖然差唔多收鋪但質素都保持既有專業奶茶茶走係指定動作茶走令到奶茶更加香滑我個人認為唔落白糖既茶走奶茶係最香滑最好飲炸菜肉絲鮮牛丁麵上枱時間啱啱好唔會因為擺耐左搞到麵發水原本諗住叫沙嗲牛只可惜買哂只好轉鮮牛但牛肉味道依然保持住啲牛肉唔會話俾蘇打汁乸到無哂味炒蛋同牛油多士都係即叫即整所以上枱都係熱騰騰炒蛋熟度剛剛好唔會話好老而牛油多士都係即叫即烘牛油比例亦剛剛好所以上枱都仲有脆既口感諗返起細個同爺爺住既時候一到放假爺爺就成日帶我黎呢度食下午茶每次黎親都一定求爺爺叫個沙嗲牛肉丁麵俾我食每次當我想食我爺爺就一定話我「轉出前一丁好貴架衰仔！」「成日食公仔麵難怪你幾歲就咁肥！」雖然成日話我但爺爺總會心軟咁叫俾我食同因爲細個一直未飲過奶茶所以都會趁爺爺唔為意想偷飲但每次都逃唔過爺爺既法眼跟住就一野打落手板度話我「奶茶咁細個唔飲得架衰仔！」每次咁樣都唔識俾反應淨係識係度喊搞到爺爺唔知點算XD呢晚飲住杯奶
適逢夜晚收工經過灣仔買野
就趁呢度未閂門一於食返我細個最鍾意食既茶餐
一坐底唔洗十秒已經有伙記黎問我想食咩
我諗都唔洗諗就叫返我叫慣左既常餐A組合
炸菜肉絲鮮牛丁麵
炒蛋牛油多士熱奶茶茶走
等左3分鐘度啲野就黎齊哂
雖然差唔多收鋪
但質素都保持既有專業
奶茶茶走係指定動作
茶走令到奶茶更加香滑
我個人認為唔落白糖既茶走奶茶
係最香滑最好飲
炸菜肉絲鮮牛丁麵上枱時間啱啱好
唔會因為擺耐左搞到麵發水
原本諗住叫沙嗲牛
只可惜買哂只好轉鮮牛
但牛肉味道依然保持住
啲牛肉唔會話俾蘇打汁乸到無哂味
炒蛋同牛油多士都係即叫即整
所以上枱都係熱騰騰
炒蛋熟度剛剛好唔會話好老
而牛油多士都係即叫即烘
牛油比例亦剛剛好
所以上枱都仲有脆既口感
諗返起細個同爺爺住既時候
一到放假爺爺就成日帶我黎呢度食下午茶
每次黎親都一定求爺爺叫個沙嗲牛肉丁麵俾我食
每次當我想食我爺爺就一定話我
「轉出前一丁好貴架衰仔！」
「成日食公仔麵難怪你幾歲就咁肥！」
雖然成日話我
但爺爺總會心軟咁叫俾我食
同因爲細個一直未飲過奶茶
所以都會趁爺爺唔為意想偷飲
但每次都逃唔過爺爺既法眼
跟住就一野打落手板度話我
「奶茶咁細個唔飲得架衰仔！」
每次咁樣都唔識俾反應
淨係識係度喊
搞到爺爺唔知點算XD
呢晚
飲住杯奶茶回想
雖然都過左成20年
宜家爺爺都80幾歲而且開始行路唔方便
但宜家回想起
真係想放假俾我呢個百厭星帶返你食一次呢爺爺
叫返爺爺最鍾意既蛋撻菠蘿油
同埋唔俾我偷飲既奶茶
同爺爺一齊拎返屬於我地既珍貴回憶
唔知爺爺過到黎仲會唔會認得嗰陣時啲伙記呢
香滑奶茶
47 浏览
0 赞好
0 留言
炸菜肉絲鮮牛丁麵
73 浏览
0 赞好
0 留言
牛油多士配炒蛋
83 浏览
0 赞好
0 留言
张贴
