太平館餐廳

营业中

休息中

唔知你地既童年系属于咩味道呢？ 而我既童年最开心就系同屋企人去太平馆食乳鸽 瑞士鸡翼同梳乎厘 ！ 而今日就衬早早地仲未好多人排队拣左呢间老牌子西餐厅 太平馆 入到餐厅 个一阵怀旧味简直系涌埋黎 无论餐具 装潢 都系十年如一日 我都可算系由d 侍应由哥哥变到做叔叔 ！ 细个总系一班屋企人食 所以就会有多d款式食 但今日呢 得两个人所以就叫左呢个 瑞士鸡翼餐！ 有一个呠酒猪扒饭 瑞士鸡翼 同餐饮 因为我同朋友都想食甜品所以就冇叫太多主饭 个呠酒猪扒饭既猪扒系用左面包糠炸成既 所以食起上黎都比较脆口 再加上呠酒汁配饭 个口感都非常之丰富 而个瑞士鸡翼都系保持十年如一日既味道 鸡翼浸到胀卜卜 啖啖肉最后唔少得我地既重头戏 梳乎厘 以前细个侍应哥哥会淋上冧酒再点火 但而家可能系安全问题 所以冇做到啦 但拎到出黎都仲系全场注目 因为个size都几大下 食起上黎仲系蛋味空气感十足 四个人share都系几够 童年味道唔系成日都食到 所以间唔时黎下呢度食饭都系十分之回味😋😋😋