博多拉麵別天神 (已結業)

晏昼同男朋友系尖沙咀食完afternoon tea🍰, 夜晚见唔系太肚饿, 就谂住食少少野当晚餐, 醒起好耐之前同朋友食过别天神拉面几好味, 今次就带男朋友嚟食😊😋 餐厅效法左日本果种先买饭票后送餐嘅方法, 我地买左飞🎫之后交比店员就可以坐底等食啦😊 餐厅环境唔大, 但就几有日式拉面小店嘅风格, 而旁边嘅连侬墙写满左客人嘅梦想同希望!小龙虾虾子沙律🦞🥗小龙虾虾肉嘅份量都几多而且质感弹牙, 用紫菜包住嚟食又有另一番风味!饺子🥟热辣辣嘅饺子, 外皮煎得几香脆, 饀料大粒而且咬落去会爆汁, 唔错😊!豚骨汤面🐖🍜汤头浓郁, 豚骨味重, 面质爽口弹牙, 比起平时一般嘅拉面幼身, 挂汤能力ok, 整体唔错!虾味噌拉面🦐🍜虾味噌嘅虾味十分浓郁, 比豚骨汤更重味, 拉面仲有一堆樱花虾系面, 除左令拉面嘅味道更有层次感之外, 同时亦丰富左成个拉面嘅口感! 另外配料方面, 叉烧几大片, 脂质均匀而且唔干身, 味道唔错, 加埋邪恶嘅溏心蛋😈😋 一个字:爽呀～👍🏻