街坊Cafe (已結業)

同女朋友行旺角行到肚仔饿，去到通菜街个阵见到间叫街坊cafe个名咁特别既餐厅就入左去食。里面装饰有好浓既香港味道，餐厅内面人头涌涌，坐无虚席。街坊cafe有好多唔同种类既食物提供，但发觉个帝王极上海鲜芝士龙虾汁意大利饭二人餐 (HKD 368)最吸晴。个二人餐非常丰富，有餐汤而我地选择左黑松露野菌忌廉汤。个忌廉汤好重黑松露味，好香好滑。头盘就系吞拿鱼蟹籽沙律，卖相唔错，有好多沙律菜，吞拿鱼同埋蟹籽，味道都唔错。到个主菜就系原只龙虾同埋芝士龙虾汁意大利饭。龙虾非常大只，啖啖肉，而且肉质鲜甜。意大利饭个湿度控制得好好。海鲜配料就有鱼肉，青口，蚬，蟹籽等等，味道好好味。个甜品好有香港特色，我地要左绿茶吉士鸡蛋仔伴雪糕。个鸡蛋仔好重绿茶味，加埋甜甜既朱古力酱，而且仲要有甜爆谷同雪糕，成个甜品真系无得输。至于饮品就要左蓝蝶花冻饮，个名好特别叫情歌王，其实就系港式西洋菜蜜，味道唔错。另外一杯就系街坊气泡水叫左恋爱大过天，内有玫瑰，士多啤梨，菠萝，酸酸甜甜，好好味。