Burger Home (已結業)

想去食burger ，大家可能会想起一啲连锁嘅快餐店，而位于湾仔嘅依间burger专门店，未必个个人都识，但系湾仔做嘢或者居住嘅人就冇可能唔识。佢可以话系属于香港人嘅集体回忆，属于香港人独有嘅burger口味。点解我咁讲，等我即刻而家介绍吓啦！我今日叫咗一个烟肉芝士牛肉汉堡，酱料呢就点咗蛋黄酱同埋BBQ酱。佢嘅手打牛肉超级Juicy,超足料，面包呢有微微烤焗，超有风味。中间呢就夹住一啲生菜啦同埋蕃茄，虽然仲有一片芝士，但系因为有生菜同埋蕃茄，食完都唔会觉得好油腻。再加埋呢个蛋黄同埋BBQ酱，配搭超完美，有一种茶餐厅加上西餐Cross Over嘅感觉，绝对唔能够错过啊！最后仲有每一张枱都会提供一樽消毒洗手液，非常之注意卫生，大家可以放心进食啊，继续支持小店，继续支持香港嘅食肆！