影片
更多
2024-05-06
1389 浏览
Terrace in seaside📍屯门屯顺街1号屯门市广场1期UG楼UGK9号舖星期日，我同好耐无见嘅大学好友相约喺佢屋企楼下商场见面，update一下大家近况。因为两个女仔主要都系倾偈为主，所以我哋拣咗一间望落环境舒适，又有点小清新嘅韩式cafe食lunch。睇openrice介绍，佢系店舖范围内放置招牌橘树，除咗好适合打卡之外，仲不失舒适、轻松、活泼嘅感觉。实际去到的确觉得环境几好，不过食物有几乎都系得个靓样，如果想食好嘢，似乎呢度唔会满足到大家。 💰$88明太子蟹肉饭卷 🍱饭卷馅料方面有蛋丝、萝卜、青瓜、牛蒡丝同紫苏叶，虽然份量充足、色彩丰富，但可惜米饭比较松散，馅料除食到淡淡嘅麻油味外，完全无任何味道。全靠浓郁嘅明太子酱汁同蟹肉丝搭救，整个饭卷先有返啲味。但总括嚟讲，饭卷同酱汁有些少格格不入，卖相靓但性价比唔高。 💰$98烧慢煮鸡腿紫苏拌饭 🍗泡菜拌饭铺平喺碟面，配上靓靓慢煮鸡腿一只同少量沙律菜点缀，以小篮子上菜，视觉上大感满足。呢个饭有赞有弹，值得称赞嘅地方，系佢嘅鸡腿肉真系做到多汁滑溜，鸡肉用刀叉轻轻一切随即分离，啖啖肉嘅口感真系无得弹。鸡皮嘅脂肪唔厚，连埋鸡肉一齐食亦
📍屯门屯顺街1号屯门市广场1期UG楼UGK9号舖
星期日，我同好耐无见嘅大学好友相约喺佢屋企楼下商场见面，update一下大家近况。因为两个女仔主要都系倾偈为主，所以我哋拣咗一间望落环境舒适，又有点小清新嘅韩式cafe食lunch。睇openrice介绍，佢系店舖范围内放置招牌橘树，除咗好适合打卡之外，仲不失舒适、轻松、活泼嘅感觉。实际去到的确觉得环境几好，不过食物有几乎都系得个靓样，如果想食好嘢，似乎呢度唔会满足到大家。
[价钱 Price]
💰$88
明太子蟹肉饭卷 🍱
饭卷馅料方面有蛋丝、萝卜、青瓜、牛蒡丝同紫苏叶，虽然份量充足、色彩丰富，但可惜米饭比较松散，馅料除食到淡淡嘅麻油味外，完全无任何味道。全靠浓郁嘅明太子酱汁同蟹肉丝搭救，整个饭卷先有返啲味。但总括嚟讲，饭卷同酱汁有些少格格不入，卖相靓但性价比唔高。
[价钱 Price]
💰$98
烧慢煮鸡腿紫苏拌饭 🍗
泡菜拌饭铺平喺碟面，配上靓靓慢煮鸡腿一只同少量沙律菜点缀，以小篮子上菜，视觉上大感满足。呢个饭有赞有弹，值得称赞嘅地方，系佢嘅鸡腿肉真系做到多汁滑溜，鸡肉用刀叉轻轻一切随即分离，啖啖肉嘅口感真系无得弹。鸡皮嘅脂肪唔厚，连埋鸡肉一齐食亦唔觉油腻，加上调味适宜，如果温度再热返啲会更佳。但要弹嘅地方就系泡菜拌饭，除咗较油腻之外，佢嘅微辛味道唔似平时嘅辣味咁开胃，食到中段已经有啲饱滞感，而且饭味偏咸，我同朋友食完都饮咗成3杯水！
[价钱 Price]
💰$98
清甜柑橘窝夫 🍊🧇
我自己最期待呢个signature甜品，眼见几乎每枱都会叫嚟食，真系几受欢迎呢！Waffle上面唧满香甜软滑嘅鲜忌廉，再喺上面放满新鲜柑橘，卖相清新优雅，令人忍唔住影完一张又一张。甜品伴有糖渍柑橘同柑橘酱等，食落甜而不腻，味道的确唔错。唯一美中不足嘅地方，系厚身松软嘅waffle居然一啲都唔脆口，而且毫无香气，要靠多啲酱汁同忌廉balance返，我哋都稍感失望。
张贴
