東喜茶 (已結業)

屯市行街见到嘅第一间黄店，仲有埋连侬墙。入面有唔同嘢饮，最好卖嘅应该系奶盖，因为佢用埋嚟整甜品。所以我地最后就叫咗两杯嘢饮———珍珠奶茶(S,18蚊)同奶盖白桃茶(S,20蚊)。要提嘅系佢地嘅细杯真系好细，大概系平时饮到中杯嘢饮嘅一半，细到好似一罐可乐😂。但系尼个size系一个几好嘅选择，因为有时觉得中杯都太大杯饮唔晒。首先，奶盖白桃茶。奶盖超浓郁，咸咸地，好饮👍🏿。个杯有好浓嘅白桃味，我以为加咗白桃糖酱😂，建议一啖奶盖再饮茶，如果唔系会好腻。正宗饮法应该系唔用饮筒饮，咁样就可以同时饮到奶盖同茶。珍珠奶茶。整体上一般。奶茶茶味够浓，但饮耐咗觉得有啲苦涩，胜在够滑。珍珠较为淋身，并不是黑糖珍珠。