臺味冰點

营业中

休息中

「台味冰点」系屯门海丽花园一间主打台湾家常菜嘅小店，装修虽然简单，但感觉亲切，几适合街坊或者返工一族嚟度食快捷晚餐。价钱平实，用料实在，啱晒想试台式口味又唔想荷包伤嘅人。餐牌主打台湾特色小食同家常饭，好有地道感。环境方面，地方比较细，但座位间隔尚算唔迫。即使系晚市繁忙时间，效率都唔错，等食时间唔会太长。煎莲藕饼肉燥饭呢碟煎莲藕饼肉燥饭摆盘好吸引，三块厚实嘅莲藕饼系主角！入口即感受到莲藕嘅清甜同爽脆，唔单止食到莲藕粒，仲多咗咀嚼感。煎得香口但完全唔油腻，仲有少少焦香，明显系用心整嘅。至于肉燥，味道虽然唔算突出，但胜在配搭白饭啱啱好，食得出系正宗台式风味。埋尾再加埋青豆角，整体均衡又健康，几值得一试！盐酥鸡翼炒公仔面炒公仔面系唔少人嘅 comfort food，呢款加入盐酥鸡翼就加咗啲新鲜感！鸡翼表面带少少盐酥嘅香气，虽然冇平时食炸鸡皮嘅酥脆，但反而食得出鸡翼肉质嫩滑而且够入味。公仔面炒得唔错，配埋洋葱同椰菜丝，带有微微焦香，酱汁同配料比例恰到好处，每啖都好惹味！但整体嚟讲，鸡翼份量可以再多啲，咁就更完美啦！「台味冰点」系一间平实有诚意嘅台湾小店，唔需要华丽装修或者花巧嘅摆盘，用家常风味就