棠記海鮮小廚

营业中

休息中

今日山长水远入到嚟屯门三圣，网上见到有间大排档好似几唔错🙈，嚟到餐厅发现餐厅有两个对住嘅舖位，不过因为客人较多，所以只可以喺走廊位冇冷气嘅地方坐。。豉油王鹅肠豉油味浓烈，煮得鹅肠好入味，除咗鹅肠之外，芽菜都系主角之一，底部嘅芽菜吸收左汁同鹅肠嘅精华，几好食😛。。菠萝咕噜肉重点推介，咕噜肉肥瘦适中，个酱汁嘅酸甜都调校得啱啱好，好入味，口感好好，炸粉薄而目炸得好脆😆。。豉椒炒蚬卖相好吸引，识落味道都唔错，豉椒味浓郁，而且蚬肉先甜，分量十足👍🏻，不过略嫌有少少沙。。椒盐酥炸鲍鱼炸鲍鱼第一次食，口感上几唔错，即是经过高温油炸，咬落都系咁弹牙，厚肉得嚟味道亦都鲜甜😃。。腐乳炒通菜口感爽脆，腐乳味十足，不错。