반찬앤쿡 Banchan and Cook (屯門市廣場1期)

营业中

休息中

👦🏻👧🏻间唔中会去屯门市广场拍拖，收藏咗唔少美食餐厅，其中呢间Banchan and Cook系我地最钟意嘅韩式餐厅。依架全新推出$560「尝吃套餐」，包两样主食、一样小食、一样甜品同两杯自选饮品。呢个套餐可以试晒呢度出名嘅蛋包饭同炸鸡😍！尝吃套餐 $560🍛肉酱牛胸肉蛋包饭上枱时店员会系我地面前切开滑蛋，内外都里面金黄滑嫩，好香蛋香味。下面嘅炒饭加咗红萝卜、洋葱同瓜粒去炒，配埋旁边嘅肉酱食，令口感同味道变得丰富。牛胸肉质地薄身同脂肪少，入口肉味香浓。🍝墨汁大虾鱼籽意粉墨汁意粉爽弹挂汁，带有浓郁嘅墨汁香味。上面有4只弹牙鲜味嘅大虾同咸鲜嘅粒粒三文鱼籽，捞埋一齐食仲好味。🍗炸鸡拼盘可以拣3款自己钟意嘅口味，我哋都好钟意食呢度嘅炸鸡，炸到香脆唔会油淋淋，里面仲保留住Juicy嘅肉汁。今次拣咗原味、芝士同蜜糖口味。炸鸡配上蜜糖口味，带嚟甜蜜嘅滋味。芝士口味落咗满满香浓嘅芝士粉，邪恶又美味！🍰小甘笋芝士蛋糕芝士形状嘅蛋糕上面有片小甘笋，造型可爱。蛋糕轻盈软绵，带有淡淡甘笋甜味。🍹白桃甜蜜梳打清爽嘅粉红色梳打带有清香嘅白桃味，甜度较低。🍹荔枝梳打有两粒荔枝肉系里面，充满香甜嘅荔枝味。📍 반찬앤쿡