漁匠屋

营业中

休息中

好难得地远访屯门，一年都去唔到一次，去之前紧系要揾定屯门有咩好食。难得一次去屯门，唔想求其食快餐，又唔想食到中伏野。见到不少好评价嘅渔匠屋，就有兴趣嚟试吓。店内位置不多，下午时间来到刚好不用排队，不过店内都满座。餐牌丼饭款式都算多，配上汤和前菜。前菜包含海蜇同裙边，汤好劲芝麻味。北海三味丼$210帆立贝好大粒，稍为火炙过更香，都有成4粒。三文鱼子都几大粒，唔会好咸，都算鲜。另外蟹肉都唔错，几香。饭方面，都够寿司醋味，饭唔算好冻。壹之重丼$225海胆好鲜甜。虾都算鲜甜，头有少许腥但都可接受。呑拿鱼都好香好肉味。呑拿鱼蓉唔错是日鲜鱼，即系右下角白色个两片，唔知道系咩鱼，冇乜特别，半熟。油甘鱼都好香，爽口。d鱼生都算厚。串烧牛舌好食，烧得好香脆，亦唔会un。总结价钱虽略高，但份量算大，刺身厚，味道鲜甜。