轉角 (已結業)

系市中心附近要揾间食得下既cafe 都唔系咁易，偶然发现呢间新开既cafe，就试一试啦。两人叫左一碟香煎大虾虾油意粉，一碟咖喱吉列猪排蛋包饭。先讲大虾虾油意粉，个人觉得几特别同几好味。虾油味好香好浓，有啲似虾子果仲香味。大虾虽然唔算好大只不过都爽口，虾肠都清走，唔错。因为我唔食忌廉所以走左忌廉，口感会偏油一点。至于咖哩吉列猪排蛋包饭，我先生觉得比较普通，猪排口感似急冻吉列猪排，咖哩系典型日式甜咖哩味道，而炒蛋系成个饭煮得最好既部份够嫩够香。 饮品方面我叫了杯flat white （外卖杯上），跟餐加$8 蚊。屯门小店黎讲真系唔错，没有很重既果酸，啡味浓，奶够厚够滑，温度适中。地区性黎讲系唔错既选择，我地都会再去。