影片
更多
2003-06-24
3 浏览
屯门人都知道屯门区其实唔系好多间正餐厅，但惠比寿都算系其中一间好o既啦﹗我一家人成日都会去食饭，连唔钟意食日本菜o既妈妈都好钟意去，因为惠比寿o既热盘好好味。装修虽然唔算特别，总算企企理理，干干净净，坐得舒舒服服﹗惠比寿最吸引人之处就梗系佢o既高水准食物啦，最抵食系星期一到日都有供应o既set lunch，四十几蚊至五十几蚊，有汤(面豉汤)有饭有前菜(中华沙律or八爪鱼)有主菜(日日唔同款)有配菜(日日唔同款)有水果(橙)。不过set lunch好大份，女仔通常都食唔晒，尤其当主菜系锅o既时候，share又唔过瘾，我谂都系等肚饿D时先去食啦﹗其实好多款主菜都好正，好似各款锅啦、蒜香牛柳粒、七味猪柳、盐烧三文鱼…一时之间都唔记得咁多﹗叫开set lunch，记住加$20要一份三文鱼刺身，大大件又够新鲜，好正。散叫就冇咁抵食，但可以选择自己o既favourite，有几个菜一定要叫：清酒煮蚬--肥美o既蚬肉配上淡淡o既清酒汤，正﹗软壳蟹卷--软滑o既牛油果、炸得脆脆地o既软壳蟹同醋饭好配合，再加上一小堆蟹子调味，好好味o架﹗不过一份有八件，最好四个人以上去先食啦，如果唔系冇胃口食其他野。其实
装修虽然唔算特别，总算企企理理，干干净净，坐得舒舒服服﹗
惠比寿最吸引人之处就梗系佢o既高水准食物啦，最抵食系星期一到日都有供应o既set lunch，四十几蚊至五十几蚊，有汤(面豉汤)有饭有前菜(中华沙律or八爪鱼)有主菜(日日唔同款)有配菜(日日唔同款)有水果(橙)。
不过set lunch好大份，女仔通常都食唔晒，尤其当主菜系锅o既时候，share又唔过瘾，我谂都系等肚饿D时先去食啦﹗其实好多款主菜都好正，好似各款锅啦、蒜香牛柳粒、七味猪柳、盐烧三文鱼…一时之间都唔记得咁多﹗
叫开set lunch，记住加$20要一份三文鱼刺身，大大件又够新鲜，好正。
散叫就冇咁抵食，但可以选择自己o既favourite，有几个菜一定要叫：
清酒煮蚬--肥美o既蚬肉配上淡淡o既清酒汤，正﹗
软壳蟹卷--软滑o既牛油果、炸得脆脆地o既软壳蟹同醋饭好配合，再加上一小堆蟹子调味，好好味o架﹗不过一份有八件，最好四个人以上去先食啦，如果唔系冇胃口食其他野。
其实惠比寿样样野o既质素都算平均，随便叫都会几好味o架啦~以上讲o既系我特别钟意o既o者﹗
惠比寿o既热盘比较好，刺身同寿司唔系唔好，不过比较起其他餐厅唔算突出，所以钟意食刺身同寿司o既朋友就可能唔会有惊喜喇﹗
张贴