象泰宴

营业中

休息中

今次试试呢间开左几个月的泰国菜馆，平日，7:30晚饭时间已座满客人，好在一早已订枱，环境唔错，有卡位又有一间小形房仔（都可坐8个人）。食物方面都ok的！我就下单点了招牌菜黄咖哩面包软壳蟹，份量十足，大大个包载著满满的咖哩，而软壳蟹都有五件，个包外脆内软，吸收晒D汁的精华，软壳蟹炸得香脆👍🏻。月亮虾饼又系大大份，春卷皮炸得金黄香脆，虾肉Q弹！分别有两个汁沾（泰式鸡酱及酸梅酱）。马拉盏炒通菜，个人口味觉得偏咸少少及炒过左火，一般。甜品芒果糯米饭，芒果🥭唔酸但唔重芒果味，个紫糯米饭食落口就觉似糯米团，唔知系咪蒸时水及椰汁比例多左D!最推荐饮品百果芒芒，芝士奶盖顶好味到不得了，又有啖啖芒果肉❤️。几乎枱枱都有叫！