小豆町日本料理

营业中

休息中

住喺蓝地，放假又出蓝地大街食嘢，行运成条大街都系茶餐厅，行行吓喺后街𠮶度见到有间日本野好似装修几靓。见佢有做午市定食，就试吓佢啦。 餐牌都有十几款可以拣。价钱都好平民化，试咗佢个鳗鱼饭定食同寿司套餐，鳗鱼都几出色份量仲几多下。呢个价钱加多$10可以包特色嘢饮，佢嘅特色嘢饮巨峰提子梳打，调得啱啱好甜度适中仲有爆珠系入边。寿司方面，呢个价钱估唔到质素几高，食材使用上睇得出有摆心机落去，带子厚肉大大粒，三文鱼吞拿鱼油金鱼寿司方面，鱼肉新鲜冇腥味，店家推介刺身，$188有6款选择就试吓佢。食得出所有刺身都系用新鲜食材，仲可以拣赤贝，元贝，虎虾等等嘅贵价刺身，真系好抵食以后喺蓝地食嘢又有个好选择，估唔到蓝地都可以食到高质素日本菜，真系意料之外惊喜。