SEDAP惹味馬拉 (已結業)

是夜, 本身喺锦丽食, 点知排咗15分钟坐低埋先发现, 主食真系得牛肉粉; 事缘我同男友都唔食牛肉, 就无奈咁转场。见到隔离有间新开嘅马来餐厅, 就入去试下, 总共叫咗3样嘢:1) 玻璃鱿鱼通菜 ($28) - 呢个价钱, 谂住应该会好细碟, 点知比想像中大碟。鱿鱼系好似街边卖鱼蛋𠮶只质地嘅鱿鱼, 爽爽地咁, 有少少辣椒酱喺面, 个汁甜甜地又唔会太浓味, 有惊喜。2) 海鲜炒粿条 ($78) - 粿条感觉新鲜, 好似每日新鲜整, 唔识讲。炒得够镬气得嚟唔会油腻, 海鲜有d海水味, 蛋炒得好香, overall系好食。3) 椰浆饭配炸鸡腿 ($64) - 鸡脾腌得几入味, 食得出用马来调味粉, 炸得干身唔油腻, d肉都几多。饭同配菜就正正常常, 饭无乜椰浆味, 似系有少少咸味嘅晚多d。总对而言, 每样𩠌都整得唔错, 而且份量较足, 两个中食都几饱。下次嚟再试下其它, 同埋佢d饮品我都想试, 尤其是红豆冰(沙冰)。