BESTIE

营业中

休息中

近排发现兆麟区有一间新开嘅西餐厅，每次搭轻铁都见到佢门口个LED灯招牌，十分吸引。咁啱撞正细佬生日，就一家人入去食饭庆祝，入到去发现个装修风格都唔错，我仲留意到每张枱都有鲜花摆件，讲真宜家D小店点会咁重本用鲜花㗎，一间餐厅除左食物之外，环境的享受都好重要，呢个位细心位真系值得加分。第一次食，梗系先同佢地个侍应吹下水，了解下试乜嘢好，咁我就按佢地的厨师推介，叫左三个𩠌，分别就系烟熏美国安格斯西冷配红酒黑醋汁、烧猪肋骨配炸薯条、大虾宽面配伏特加忌廉汁。大虾宽条面：个汁超正～我吖妈一个人霸住食唔停口😂烧猪肋骨：我想讲，肉超级香又多汁，起初我仲担心D肉会唔会好干好「谐」但系唔会咯，足够入味的同时又够鲜嫩。薯条系蕃薯条，超正。烟熏美国安格斯：呢个我强力推荐必试的打卡菜，上菜的时候记得记得准备好你地的手机，超靓～～牛肉穿透一层一层嘅烟，慢慢呈现在眼前，除左味觉，视觉都有一番享受👍🏻牛扒我系叫5成熟，味道你试左就知，绝对对得住个价钱。最后总结，bestie呢间餐厅，系性价比好高的一间餐厅，亦系我第一次食完会想为佢写食评的餐厅，真心推介俾大家。