叄壽司凍肉專門店

营业中

休息中

早几日去朋友屋企打机打打吓有啲肚饿，但系又唔想出街食，于是就叫咗佢屋企附近呢间寿司外卖专门店试吓啲寿司，谂住平平哋食返餐简简单单就算，点知食食吓又几OK，味道唔算惊为天人，但性价比高！寿司刺身都好新鲜，食到劲饱，捧住个肚走！跟住落嚟讲下我地嗌嘅嘢食啦，首先有牛油果三文鱼沙律，其实即系平时嘅蟹子沙律加埋牛油果同三文鱼仲有大量青瓜丝，清新得黎唔会太漏，味道非常好！其次系牡丹虾刺身，身为生虾控嘅我，梗系要嗌返几只牡丹虾嚟食吓，呢度嘅牡丹虾非常大只，极度鲜甜仲好多高糕添，抵食！跟住仲有三文鱼腩刺身，三文鱼腩劲香鱼油味，食落啖啖肉劲满足！之后，我哋仲嗌咗杂锦寿司同埋咖喱吉列虾味道就系中规中矩冇乜特别，总括嚟讲呢度嘅刺身系非常之新鲜抵食！住喺呢度附近嘅朋友仔又谂唔到食乜就可以考虑吓啦～～