和氣食堂

营业中

休息中

白咖哩乌冬+炸鸡扒：唔系甘口𠮶种日式咖哩，有香料味，有薯仔粒同唔少肉碎。一夹起乌冬，咖哩香气即刻扬起，好吸引。乌冬软滑，咖哩香浓👍🏻炸鸡扒酥脆唔油腻，调味适中，大件抵食。三色花之恋：芒果同三文鱼比想像中match，芒果酸甜清新，唔错。蟹籽爆多，有啲咸但好满足。海胆ok，虾都唔细只，还有吞拿鱼蓉，好丰富多料。芝士软壳蟹手卷：芝士味较淡，蛋黄酱同香脆软壳蟹绝配。有少少青瓜丝，唔会好腻。蟹糕/ 油甘鱼寿司：蟹糕份量唔少，味浓。淡淡鲜甜鱼味，肉质结实。盐烧牛舌&鸡翼：盐烧咸味啱啱好，牛舌软淋唔韧。鸡皮烧得香脆干身唔油腻，鸡肉开边烧但肉质唔会又干又柴，唔错。唔知系咪因为近年有新楼盘落成，宝怡盈丰附近呢个小社区多咗好多食肆，呢间都算系新开业嘅。座位都算阔落舒服，听闻午市丼饭性价比唔错，有机会都想试试。