金泰棧

营业中

休息中

屯门虽然对住喺市区嘅我哋嚟讲，有一段距离，但如果有好嘢食，呢程长途车就真系值得！嚟到屯门嘅金泰栈，顾名思义餐厅主打泰国菜，并由泰国人主理，喺繁忙时间，仲要排队先有得食呢！冬荫功汤冬荫功汤可以话系每间泰国菜餐厅必备嘅菜式！金泰栈嘅冬荫功入口偏酸，继而辣味再涌现，极具层次，而呢种酸辣味亦正好唤醒我哋嘅味蕾。而冬荫功嘅配料当然唔少得弹牙又鲜甜嘅大虾啦！红咖喱牛+酥炸薄饼泰国咖哩以颜色分类，其中红咖喱相对黄咖喱同青咖喱偏辣，加上唔同嘅香料，味道层次除咗香辣味之外，仲带有少少嘅甜味。至于牛肉非常入味，肉质嫩滑；加上南瓜、茄子同四季豆等配菜，鲜味得以提升。另外，红咖喱酱汁香浓，最啱就系配上口感松脆嘅酥炸薄饼，非常惹味。粉丝虾煲香喷喷嘅虾煲镬气十足，粉丝吸收咗虾汤嘅精华，质地弹牙烟韧。炒过嘅大虾数量多之余，鲜甜惹味。