影片
更多
2024-04-21
975 浏览
睇咗某位YouTuber 嘅 video ，𠮶位YouTuber 强烈推荐呢间餐厅嘅咸猪手，所以我同朋友就约咗今日去一尝佢口中嘅必试咸猪手！ 我哋lunch time 嘅时候去到餐厅，order 咗两个lunch set同两杯饮品 :黑松露南瓜野菌猫耳朵粉配沙律、脆皮德国咸猪手配蜜糖黑椒汁跟蕃茄汤、芝士四季春配芒果、芝士四季春配蜜桃。 第一道前菜系两旧细细哋嘅黑糖面包，食落去同Outback嘅黑糖面包差唔多，但系Outback嘅黑糖面包比起呢间甜啲。跟住就系蕃茄汤同杂菜沙律，蕃茄汤同胡麻酱杂菜沙律一样都系不过不失，汤上菜嘅时候系暖嘅，好易入口，但沙律同汤嘅味道都唔系太令人深刻。 第一道主菜猪手不油不腻，即使唔搭配蜜糖黑椒汁就咁食都觉得好味，佢嘅皮做到非常之脆，咬落去会有咔咔声，肉方面就做到小小嫩嘅感觉，唔会太嚡熠熠，而佢嘅配菜薯角都炸得够脆，成碟菜嘅整体味道唔会过咸，适合钟意德国猪手，但唔钟意重口味嘅人，不过呢只猪手正唔正宗就见仁见智。 第二道主菜黑松露南瓜野菌猫耳朵粉卖相好吸引，啲猫耳朵粉同菇充分咁被南瓜黑
睇咗某位YouTuber 嘅 video ，𠮶位YouTuber 强烈推荐呢间餐厅嘅咸猪手，所以我同朋友就约咗今日去一尝佢口中嘅必试咸猪手！
我哋lunch time 嘅时候去到餐厅，order 咗两个lunch set同两杯饮品 :黑松露南瓜野菌猫耳朵粉配沙律、脆皮德国咸猪手配蜜糖黑椒汁跟蕃茄汤、芝士四季春配芒果、芝士四季春配蜜桃。
第一道前菜系两旧细细哋嘅黑糖面包，食落去同Outback嘅黑糖面包差唔多，但系Outback嘅黑糖面包比起呢间甜啲。跟住就系蕃茄汤同杂菜沙律，蕃茄汤同胡麻酱杂菜沙律一样都系不过不失，汤上菜嘅时候系暖嘅，好易入口，但沙律同汤嘅味道都唔系太令人深刻。
第一道主菜猪手不油不腻，即使唔搭配蜜糖黑椒汁就咁食都觉得好味，佢嘅皮做到非常之脆，咬落去会有咔咔声，肉方面就做到小小嫩嘅感觉，唔会太嚡熠熠，而佢嘅配菜薯角都炸得够脆，成碟菜嘅整体味道唔会过咸，适合钟意德国猪手，但唔钟意重口味嘅人，不过呢只猪手正唔正宗就见仁见智。
第二道主菜黑松露南瓜野菌猫耳朵粉卖相好吸引，啲猫耳朵粉同菇充分咁被南瓜黑松露汁包裹著，面上面布满芝士粉，我同朋友捞匀咗芝士粉之后先食。佢嘅味道一啲都唔会令人失望，每一啖都充满著南瓜黑松露嘅香气。另外值得一提嘅系菇嘅种类，我哋食到有至少两三种，无认错嘅话应该有白精灵菇同鲍鱼菇，感觉餐厅好用心
最后，我哋以芝士四季春配芒果、芝士四季春配蜜桃结束呢次嘅饭聚。奶盖嚟讲唔系超出色，但不至于令人后悔。呢款饮品糖度固定，可能🤔系因为佢哋落咗啲水果味糖浆？？，会咁猜测系因为饮到杯底嘅时候杯嘢突然变到好甜，建议饮之前搅匀，但因为我哋饮奶盖嘅习惯系系唔搅匀，所以就搞到饮饮下杯嘢好甜。
芝士四季春配芒果
13 浏览
1 赞好
0 留言
脆皮德国咸猪手配蜜糖黑椒汁
541 浏览
1 赞好
0 留言
蕃茄汤
22 浏览
0 赞好
0 留言
黑松露南瓜野菌猫耳朵粉
18 浏览
0 赞好
0 留言
黑糖面包
265 浏览
0 赞好
0 留言
张贴
